Vi har latt oss inspirere av den mest populære kategorien av geitost i Frankrike – chevre, eller kremost modna med mjølkesopp. Myrull er laga av rå geitemjølk, som er heilt fersk. Kombinert med ei forsiktig modning med mjølkesopp, får vi ein mild og rund, men likevel særprega smak. Osten gjev eit middels kraftig smaksbidrag til ostebordet, og han er god med honning til dessert. Og var du så heldig å finne att ein attgløymt, inntørka bit i kjøleskapet, så set han ekstra spiss på smaken riven over pasta med tomatsaus.
Merittar:
- Gull i NM i lokalforedla mjølkeprodukt 2016 og 2017
- Sølv i NM i ost 2019, Bronse i World Cheese Awards 2018
- Finalist i Det Norske Måltid 2016 og 2018
- Årets produkt på Trøndersk matfestival i 2016.