Name: Brun Undredal, kvart (ca 375 g), nummer tre frå høgre på bildet. Stykket kostar ca kr 144-
SKU: 3436
Price: 386.00 NOK
Availability: InStock

Brun Undredal er laga av fersk geitemyse og geitemjølk. Den er tilsett kufløyte som utgjer inntil 7,5 % av ferdig produkt. Kokt i åtte timar i opne kar fyrt med bioenergi.

Osten me sel fram mot jul er voksa. Den skal lagrast kjølig og godt innpakka. Uopna er den best før seks månader frå produksjonsdato i september.

Osten er god som pålegg på brød, kjeks og vafler. Den kan og brukast som smaksforsterkar i viltsaus og i kaker.

Alle Seks Og Dalen

Bygda Undredal med ca 60 innbyggjarar ligg ved Aurlandsfjorden, midt i hjartet av Nærøyfjorden Verdsarvpark. Undredal Stølsysteri er eigd og drive av dei tre geitebruka Reina, Vetle-Reina og Nigarden i Undredal.

Me som driv Undredal Stølsysteri SA har til saman 230 geiter og produserer kvit og brun geitost frå februar til oktober. Kvitosten vår er laga av fersk, rå mjølk frå våre eigne geiter. I bygda vår har me ein ubroten tradisjon for ysting. Denne tradisjonen har me ført over i moderne tid. Ysteriet ligg midt imellom E16 og Undredal, som er 7 km lang. Der mjølkar me geitene frå 17. mai til ca 20. juli og ei stund på hausten. Geitene våre kjear i januar-februar og me startar ystinga litt uti februar.

Me bruker alle delar av mjølka, så me har ikkje avfall frå produksjonen. Brun Undredal er klar til å etast etter få dagar. Kvit Undredal ligg på mogningslager i to til 15 månader. Den kan du får i fire mogningsgrader: Nylagra, Mellomlagra, Vellagra og Eldgamal. Sognakvitost er ein lokal spesialitet utan tilsett salt. Den får du som regel nylagra og mellomlagra.

Sjå nettsida vår, www.undredalsost.no for fleire opplysningar. Du finn oss også på Facebook.

Merk at leverandøren til Bondens Marked selv er ansvarlig for informasjonen på denne siden.